งานใหญ่ปีนี้

ทิดเซียน ผญาย่อย · 09/02/2011, 11:18

loading...

เดือนอ้ายเดือนยี่กะผ่านแล้ว..เดือนสามกะมาแว
ไผผู้แห่แหนฟ้า...............สิเห็นหน้า เมื่อฮ่าหลุน
..พี่น้องเอ้ย....
เดือนสี่มาเถิงแล้ว....สิมีงานมหาชาติ
คงสิเห็นนารถน้อง....มาร่วมฮ่วมงาน
ข่อยสิชวนนางน้อง...มางานบุญผะเหวด
ร้อยเอ็ดจัดใหญ่แท้...แหน มีหมู่คนฮ้องแห่
พร้อมกับกินข้าวปุ้น...งานบุญมหาชาติ
ฟังมหาราชทานช้าง...มัทรีม้วยมิ่งมรณ์
นครกัณฑ์แห่แหนท้าว..กลับต่าวพีสี
มีดนตรีลำขับ .........แห่แหนแพนด้าม
ตามถนนใหญ่กว้าง ...ประดับธงเดียรดาษ
ประดับกล้วยอ้อย .....สองข้างระหว่างทาง
บางคนเลาะหยอกเล่น ..สาวงามแม่ฮ้างท่าว
ลำล่องยาวผ่องเต้ย.....ผญาน้อยอ่อยคำ
แสนสนุกเหลือล้ำ......คนหลายอนันต์เนก
พิธีอภิเษกท้าว ........เป็นเจ้านั่งเมือง
เหงี่ยฟังเสียงดังก้อง...มโหรีพิณพาทย์
เสียงระนาดฟาดฆ้อง..ดังก้องสนั่นเมือง
ให้เจ้าเปรืองไวฟ้าว ....สาวงามอย่าช้าอยู่
ศรีบุญชูยอดแก้ว .....คืนบ้านอย่าอยู่โดน
ฤดูกาลเดือนสี่ค้อย ...ลมวอยวอย พัดยอดม่วง
ปวงประชาพี่น้อง......สิเตรียมตั้งแต่งทาน
งานฮีตสิบสองครองสิบสี่นั้น..คืองานบุญผะเหวด
ร้อยเอ็ดจัดใหญ่แท้ ...มีช้างม้าแห่ขบวน..พุ้นแหล่ว ผุข้า
ชาวอำเภอทั่วพื้น.....ในขงเขตจังหวัด
มาจัดงานรวมกัน......ที่สวนสมเด็จเจ้า
กับทั้งมีข้าวปุ้น........เตรียมไว้ท่ารองรับ
ให้กับพวกพี่น้อง......ที่มาเที่ยวในงาน
จัดให้มีการฟังธรรม...มหาเวส ชาดก
พระเสียงดีมาเทศน์ให้.....ถามปัญหาแก้โจทย์
สมโภชน์งาน ให้ครึกครื้น..คนฟังนั้นบ่ง่วงเหงา
ฟังให้จบให้เกี้ยง...........ในมื้อหนึ่งวันเดียว
จึงสิมีบุญหลาย.............พ้อพระศรีอารย์เจ้า ..ผุข้า

..ข้าผุเจ้านำฮ้อย.........นักปราชญ์ใหญ่
มื้อใด๋เหลียวเห็นหน้า....เอิ้นใช้ ข่อยบ่ขีน
หวังเพียงสร้างประเพณี..ฮีตเก่า
เผยแผ่ไว้...ให้สมมุ่งเจตนา..ซั่นดอก..ผุข้า

10/02/2011, 06:27

คักหลายนอพ่อกำนัน บ่แม่นเจ้านี้ติพิธีกรในงานมื้อนั้นน่ะทรงคืออยู่ได๋น้องว่า

ทิดเซียน ผญาย่อย · 10/02/2011, 10:39

บ่แม่นดอกครับ..ข่อยเฮ็ดงานอยู่ระยอง.น้องคิงส์

เครื่องมือจัดการกระทู้	ค้นหาในกระทู้นี้
แสดงผลสำหรับที่จะปริ้นท์ ส่งกระทู้นี้ทางอีเมล์	ค้นหาในกระทู้นี้: ค้นหาแบบละเอียด

09/02/2011, 11:18	#1
ทิดเซียน ผญาย่อย กำนันบ้านอีสานโกอินเตอร์ สมัครเมื่อ: 10/2010 โพส: 277 พลังชื่อเสียง: 13	loading... เดือนอ้ายเดือนยี่กะผ่านแล้ว..เดือนสามกะมาแว ไผผู้แห่แหนฟ้า...............สิเห็นหน้า เมื่อฮ่าหลุน ..พี่น้องเอ้ย.... เดือนสี่มาเถิงแล้ว....สิมีงานมหาชาติ คงสิเห็นนารถน้อง....มาร่วมฮ่วมงาน ข่อยสิชวนนางน้อง...มางานบุญผะเหวด ร้อยเอ็ดจัดใหญ่แท้...แหน มีหมู่คนฮ้องแห่ พร้อมกับกินข้าวปุ้น...งานบุญมหาชาติ ฟังมหาราชทานช้าง...มัทรีม้วยมิ่งมรณ์ นครกัณฑ์แห่แหนท้าว..กลับต่าวพีสี มีดนตรีลำขับ .........แห่แหนแพนด้าม ตามถนนใหญ่กว้าง ...ประดับธงเดียรดาษ ประดับกล้วยอ้อย .....สองข้างระหว่างทาง บางคนเลาะหยอกเล่น ..สาวงามแม่ฮ้างท่าว ลำล่องยาวผ่องเต้ย.....ผญาน้อยอ่อยคำ แสนสนุกเหลือล้ำ......คนหลายอนันต์เนก พิธีอภิเษกท้าว ........เป็นเจ้านั่งเมือง เหงี่ยฟังเสียงดังก้อง...มโหรีพิณพาทย์ เสียงระนาดฟาดฆ้อง..ดังก้องสนั่นเมือง ให้เจ้าเปรืองไวฟ้าว ....สาวงามอย่าช้าอยู่ ศรีบุญชูยอดแก้ว .....คืนบ้านอย่าอยู่โดน ฤดูกาลเดือนสี่ค้อย ...ลมวอยวอย พัดยอดม่วง ปวงประชาพี่น้อง......สิเตรียมตั้งแต่งทาน งานฮีตสิบสองครองสิบสี่นั้น..คืองานบุญผะเหวด ร้อยเอ็ดจัดใหญ่แท้ ...มีช้างม้าแห่ขบวน..พุ้นแหล่ว ผุข้า ชาวอำเภอทั่วพื้น.....ในขงเขตจังหวัด มาจัดงานรวมกัน......ที่สวนสมเด็จเจ้า กับทั้งมีข้าวปุ้น........เตรียมไว้ท่ารองรับ ให้กับพวกพี่น้อง......ที่มาเที่ยวในงาน จัดให้มีการฟังธรรม...มหาเวส ชาดก พระเสียงดีมาเทศน์ให้.....ถามปัญหาแก้โจทย์ สมโภชน์งาน ให้ครึกครื้น..คนฟังนั้นบ่ง่วงเหงา ฟังให้จบให้เกี้ยง...........ในมื้อหนึ่งวันเดียว จึงสิมีบุญหลาย.............พ้อพระศรีอารย์เจ้า ..ผุข้า ..ข้าผุเจ้านำฮ้อย.........นักปราชญ์ใหญ่ มื้อใด๋เหลียวเห็นหน้า....เอิ้นใช้ ข่อยบ่ขีน หวังเพียงสร้างประเพณี..ฮีตเก่า เผยแผ่ไว้...ให้สมมุ่งเจตนา..ซั่นดอก..ผุข้า

10/02/2011, 06:27	#2
น้องคิงส์ Guest โพส: n/a	คักหลายนอพ่อกำนัน บ่แม่นเจ้านี้ติพิธีกรในงานมื้อนั้นน่ะทรงคืออยู่ได๋น้องว่า

10/02/2011, 10:39	#3
ทิดเซียน ผญาย่อย กำนันบ้านอีสานโกอินเตอร์ สมัครเมื่อ: 10/2010 โพส: 277 พลังชื่อเสียง: 13	บ่แม่นดอกครับ..ข่อยเฮ็ดงานอยู่ระยอง.น้องคิงส์

ขณะนี้มีผู้ใช้งานกำลังดูกระทู้นี้อยู่ : 1 คน ( เป็นสมาชิก 0 คน และ บุคคลทั่วไป 1 คน )

(View-All) Members who have read this thread since 19/03/2018, 21:47 (Set) (Clear)
There are no names to display.